吉蒂@猪猪's profile穗丰的共享空间PhotosBlogListsMore  |  Tools Help |
穗丰的共享空间 |
|||||
|
|
|
||||
|
June 02 080601 六一儿童节今日系六一国际儿童节，系GI嘅第三个儿童节，由于最近天气实在太差，实在唔知道可以去边度好，而且今日人肯定多，后来终于决定带GI去正佳算咯，果度地方大，而且今日六一，实有活动啦。10点松D就去到，哇，正佳都好多人，好多小朋友，仲有好多商家响度摆摊，促销，卖玩具，有游戏玩添，最紧要就系有GI最中意嘅虹猫蓝兔啦，人扮嘅，同他影相有小礼物派，唉，不过太多小朋友啦，好难影，后来有个可能系工作人员嘅哥哥叫GI埋去影相，GI又几乖啵，企响度比哥哥影，LG仲买左把虹猫蓝兔剑比GI耍，呵呵！玩一轮就上左去上面机动游戏果度，天啊，除左人，咩都睇唔到，平时嘅礼拜日边有甘多人皆，连数果D游戏票都要排长龙。唉，都系快D走啦，恐怕连吃野都无位，捻住同阿女去拉斯吃自助餐，未去到门口已经见到D人排嗮出门口咯，算啦都系走啦，翻屋企附近吃靓粥皇算咯，仲可以叫埋GI外婆一齐去添。去吃饭嘅途中又塞车塞到咩甘，唉。。落雨。。大煞风景。。
 May 25 080525
 今早GIGI照例好早就醒，烦系唔使番学果日，梗晨早就起身，见到一早嘅阳光甘灿烂，拿拿淋整早餐比GIGI吃，吃完齐齐去烈士踢波，锻炼身体。尼牌嘅天气都好唔稳定，经常系一场阳光一场雨甘，今早个天都系甘，灿烂一阵又阴一阵。9点几，出门口。一入到公园，GI就兴奋起上来，玩个波玩到好鬼开心，咔咔咔咔甘，顶她无顺。今日好热，唔落雨嘅时候一丝风都无，好快，GI就玩到满头大汗，落汤鸡嘅样子，LG忙住帮她擦汗，我忙住帮她影相。不过今日可能对焦对得太心急，好多都未对好焦就按左快门，唉，虚晒。。踢完波，我地都好热，汗流浃背甘，于是一路行去儿童乐园，一路就叫GI饮水，饮水。小朋友玩起上来都系唔怕攰嘅，儿童乐园又玩到颠晒，玩玩下仲要落雨添，阵雨来皆，好快就阳光灿烂咯，不过知道个天都系唔稳定，玩埋机动游戏，就走人，行返去地王附近刮彩票，嘻嘻，GIGI中意哦。。。。 May 21 080520 澳门一日游      5月20日系我牛一，一早就计划好今日同LG去澳门过，去下美丽的威尼斯人，听下正忠嘅意大利人唱歌。
所以我地并唔系有心响全国哀悼日期间去，唔好闹我地。
我地系参加果D教主话斋师奶先参加嘅师奶团去，便宜啊嘛，留翻D水脚赌好过啦。
未够7点钟，我地就出门口，车大约接近8点钟先开出，比原定计划迟左15分钟有多。
9点50分左右，已经去到珠海横琴海关了，果个关口真系好少人，出关少，入境又少，过关舒服到晕。
10点钟，我地已经去到威尼斯人酒店了，好富丽堂皇嘅一间酒店，
如果住，肯定好贵啦，唔系我地尼D人住嘅地方，娱乐下就得，嘻嘻。
我地去得实在早，人地赌场都未开台，换筹码的服务台D人都未上班哦，
我地于是上左楼的大运河购物中心逛逛先，好彩，D铺头都经已全部开晒，
又几早啵，好大啊上面，一条人工运河传插于购物中心内，有D意大利人一路唱歌，
一路撑船，好有意大利feel。不过要旧几水一个人坐上船，唔舍得，睇下就好。
二楼全部系名店区，卖名牌野，我地只系响店出面行过，并无走入去睇，入面D野我地都买唔起，
贵得惊人，唯一会入去嘅就系曼联专卖店，我地嘅目的就系去买套曼联嘅波衫比GIGI，
可以同我地一齐着一家山口装，好型啊，套衫，GIGI着一定好好睇，
GIGI自己都会中意，我地一家三口都系曼联fans，之前去HK都稳唔到有小朋友嘅卖，
估唔到尼度有，多谢教主提点，虽然买左同阿YO一样款式嘅，你会闹我闹到咩甘，我都要买架啦
 ，我地稳左好奈架啦尼个系事实来。
买完衫，我地落翻去赌钱，换左5个100蚊嘅筹码，捻住输晒就走人，一开始的手气并唔好，好快我手上嘅筹码已经净翻1个，跟住我知道尼张台唔得，我地玩大小而已，换左另外一张无咩人玩嘅台，睇左一轮先下手，发觉尼张台嘅规律好好掌握，好快手上的筹码又多翻，赢到我手上嘅筹码有10个嘅时候，我地就走人，换翻两张500港纸，离开赌场，再赌嘅话肯定会输翻，米搞，起码赢左GIGI套曼联衫翻来先，啊哈哈哈！
赌完，我地上翻二楼稳野吃，用旅行社派嘅50蚊餐券，去吃野，都唔错啊，虽然系一个碟头饭加一杯野饮，但系D野几好吃啵，最紧要系唔使钱嘛。
吃完饭，差唔多一点，我地离开赌场，去新马路果边行街。尼日嘅天气实在唔好，一日都落雨，赌场内就无咩所谓，但出到街，落雨实在唔太好，仲要越落越大，唉。新马路系例牌去嘅地方，澳门实在无咩地方行街，后来比我地发现左一条叫荷兰街的，就好似香港花园街一样，成条街都卖波衫波鞋，岩晒LG，他最中意睇尼D。
大约5点钟左右，我地就去关闸啦，去到果边先吃野，时间充裕D，成个拱北海关入面个商场都系卖D咩流野，假冒伪劣商品，总之D货，C货，咩都齐。我地响大家乐吃完只烧春鸡，坐左一大轮，再去大禾吃寿司，来个珠海美食团，嘻嘻。大约晚上7点45分，我地坐上回程嘅大巴，翻广州了，翻到屋企10点松少少，甘就响澳门蒲左一日了。
080519 送花疑云-惊吓度99.9%寻日系全国哀悼日，又系我牛一嘅前一日，晚上一早就约好同成班师奶仔吃饭，聚聚。
早上10点多少少，收到前台打来内线电话，叫我出前台，我以为有包裹收，
点知行到出去，见到一大扎花，大到啊，好鬼靓，我即刻问送花果个系米送错左，
她话无啊，写住你个名啊，甘，我唯有收低先，但系甘大扎花，放边度好呢？只好拿上10楼摆住先，
无办法，我个位实在放唔到。放好扎花，开始稳送花嘅神秘人，其实我第一时间捻到有可能系班师奶仔，
特别系果条鱼话要比惊喜我，但系佢地一个二个都唔认，又话我系米老公送啊，一阵又话情人送啊甘，
我都觉得无咩可能系老公送啦，识佢甘多年，佢都无送个花比我，印象中真系无，他话无谓晒无谓钱喔。
一路到落班，都未确认到系边个，虽然个心估到。。。
今日的日子如果我拿住扎甘靓嘅花出去，肯定比人丙啦，
于是我稳左个垫垃圾桶的超大黑胶袋，装住她，搞到成个垃圾婆甘
好重架扎花仲要，落班罗住它行去光明广场同班师奶仔汇合，哇，脖头都侧晒，又落雨添。
一路吃饭仲系唔认架，班野，一路到埋单走我话唔拿啦，
不如，由它放响度算啦，果班死野先话，你够胆唔拿。。。。
甘答案就出现啦，哈哈哈。
多谢晒甘多位好姐妹啦，扎花我好中意啊，
翻到屋企我插满晒，唔舍得掉，好新鲜啊，D花。
仲要多谢YUKI送嘅小礼物，好得意，呵呵！
虽然今日系全国哀悼日，都要架啦。
祝自己520生日快乐，日日都咁开心，生日愿望系希望可以救到灾区更多噶人啦！
 080518 晴有时雨
吃饭影嘅
吃饭前响万国影嘅
今日又同GIGI去烈士陵园，上次影果批相全部偏品，原来系相机白平衡果度无调好，今次调好先影，果然就OK啦，哇哈哈哈。未买到新相机之前，我想用尼部相机影多D相先，毕竟，尼部机都好旧啦，而且无相机卡口，无得换镜头，唔过瘾唔过瘾。。。不过影左甘多次，觉得用尼部机开始有Dfeel咯，如果换新机，又要有牌适应哦。今日临走果阵，见到有个发烧友响度影荷花，个镜头好长，我走埋去装下他，嘻嘻。
今晚表妹结婚成班亲戚去南苑吃饭，因为上次有D亲戚无去到HK，所以今晚齐齐再吃一次，估吾到南苑D环境甘靓，小桥流水，好有诗意啊！ |
|||||
|
|
